Nanawagan si Bise Presidente Sara Duterte sa publiko nga dili mopadala sa mga nagapamalit og boto sa 2025 National ug Local elections.
Matod ni Duterte, ang pagpamalit og boto karon gitago sa ngalan sa hinabang, gitago sa ngalan sa AICS, sa ngalan sa AKAP ug TUPAD.
Gihatagan og gibug-aton ni Duterte nga dili angayan nga magpatuyang ang publiko sa pagpamalit og boto tungod mosangko lang ang Pilipinas sa makauulaw nga sitwasyon samtang magtan-aw ang ubang kanasuran.
Nunot niini, gitambagan usab sa bise ang publiko nga dili motuo sa mga saad sa mga politiko ug tan-awon ang track record.
Samtang, bisan og giangkon sa ikaduhang presidente nga gikan siya sa political dynasty, matod niya nga dili natural nga nagkinahanglan dayon og boto ang kandidato sa pamilya sa mga politiko.
Matod niya, hunahunaa ang kapasidad sa usa ka tawo sa dili pa mobotar ug ayaw pagbotar tungod sa apelyido.
