Gipanghimakak ni Vice President Sara Duterte nga nanawagan siya sa pag-resign ni President Ferdinand Marcos Jr. Giklaro niini nga ang nanawagan niini mao ang ilang mga dumadapig.
Iyang giinsister nga iyang gipangutana ang mga supporters kon unsay ilang gipanawagan kang Presidente Marcos ug ilang gisinggitan nga mo-resign siya ug matud pa niya nga ila kining gisulti.
Matod niya, ang pamahayag sa mga supporter gihimo atol sa ilang panagtapok sa The Hague diin si kanhi presidente Rodrigo Duterte anaa sa kustodiya sa International Criminal Court tungod sa mga krimen batok sa katawhan.
Kahinumduman nga gisaway ni Presidential Communications Office Undersecretary Claire Castro ang bise presidente nga ang benepisyaryo sa pagluwat sa presidente mao ang bise presidente.
Gipasanginlan pa ni Castro si Duterte nga dili mahimong lider ang usa ka opisyal nga dunay daghang gitago nga dokumento, ilabi na ang pundo.
