Gikansela na ni Vice President Sara Duterte ang iyang gikatakdang biyahe paingon sa Japan.
Ang maong pagkansela nahitabo usa ka adlaw human gipagawas sa Malacañang ang iyang Travel Authority.
Matud niya, nabalaka siya sa iyang seguridad human gipahibalo sa publiko sa Malacañang ang iyang mga biyahe.
Una nang giingon sa Office of the President nga nagpagawas sila og Travel Authority niadtong Agosto 17 alang sa Bise Presidente para sa iyang personal nga biyahe sa Japan gikan Agosto 19 hangtod 24, nga walay gasto alang sa gobyerno.
Apan niadtong Agosto 18, gihangyo sa Office of the Vice President ang Malacañang nga kanselahon ang maong Travel Authority human mausab ang plano sa Bise Presidente.
Wala na usab naghatag og dugang nga rason ang Bise Presidente sa pagkansela sa iyang biyahe.
