Nagtuo si Ako-Bicol Party-list Rep. Jil Bongalon, sakop sa 11-member House prosecution panel, nga anaa sa panic mode ang kampo ni Bise Presidente Sara Duterte.
Matod ni Bongalon, pruweba niini ang gisang-at nga petisyon ni VP Sara sa Korte Suprema aron babagan ang umaabot nga impeachment trial sa Senado.
Matod usab ni Bongalon nga duha lang ka butang ang ipasabot niini: publicity stunt o klarong timailhan sa kalisang sa kampo sa Bise Presidente. Gipasabot usab ni Bongalon nga klaro ang proseso sa impeachment sa Konstitusyon.
Siya niinsistir nga ang impeachment usa ka proseso sa politika, dili usa ka judicial ug ang Senado ang usa ka quasi-judicial body.
Matod ni Bongalon, gihimo sa kampo ni Duterte ang tanan aron mapugngan ang trial ug mapugngan usab ang mga ebidensiya batok kaniya nga mabutyag sa publiko.
Dugang pa ni Bongalon nga ang hagit sa kampo ni VP Sara mao ang paghunong sa mga taktika sa paglangay ug pag-atubang sa trial.
Sa pamahayag pa ni Bongalon nga angay nga mahibaw-an sa katawhang Pilipino ang tibuok kamatuo
