GENERAL SANTOS CITY -Ning adlawa na Enero 20, 2020, magsugod ang voters registration.
Matud pa kang Comelec 12 Regional director Atty. Micheal Abas nga taas ang panahon nga gihatag kung asa adunay halos duha ka tuig tungod mahuman sa September 30, 2021.
Sa iyang pamahayag nga abli ang buhatan sa Comelec gikan Lunes hangtud sa adlawng Sabado bisag holiday.
Gikadugang pa niini nga target sa comelec 12 nga 10% ang iusbaw sa mga registered voters sa itandi sa kasamtangang botante nga anaa sa 1.2 million.
Nasayran nga ang mga Comelec officials sa region 12 lakip sa comelec gensan ang mitambong sa gipahigayong flag ceremony sa lokal nga gobyerno kagahapon adlawa nga ipadangat ang impormasyon kalabutan sa gikatakda nga voters registration.
Sa buot magparehistro magdala og government ID, pwede ang company ID o School apan dili pwede ang police clearance, barangay certificate o homeowners ID.
