Mga debotong Katoliko midagsa sa mga simbahanan alang sa pagsaulog Bendita Lukay

GENERAL SANTOS CITY – Midagsa ang mga debotong Katoliko sa mga kasimbahanan dinhi sa dakbayan kagahapong adlawa, alang sa pagsaulog Bendita Lukay kon Palm Sunday.

Kahibaluan nga kini ang maoy timailhan sa pagsugod sa Semana Santa.

Sama sa naandan, nahimong halinon pag-ayo nga baligya atubangan sa simbahan ang lukay nga pabenditahan.

Sa Saint Peter and Paul Parish Church sa Lagao, nagpunsisok ang mga deboto bitbit ang ilang lukay.

Nanguna sa misa og pagbendita sa mga lukay si Father Raul Vale sa Our Lady of Peace and Good Voyage sa sentrong bahin sa siyudad.

Kahibaluan nga ang benditadong lukay ang pabiling isab-it sa pinuy-anan hangtud nga subli ng matigayon ang bendita lukay usa ka tuig ang milabay.