Visa free sa mga pinoy sa Taiwan gilugwayan

Gilugwayan sa Taiwan ang pagbiyahe sa mga Pilipinos nga walay visa hangtud sa tuig 2026.

Kini mismo ang gianunsyo ni Taiwan Minister of Foreign Affairs Lin Chia-lung

Ang kasamtangang visa-free policy sa mga Pilipino nga gitugotan nga makapuyo sa Taiwan sulod sa 14 ka adlaw nga unta mahuman karong July 31, 2025, apan gi-extend kini hangtod tuig 2026.

Apil sa maong polisiya ang mga ordinaryong pasahero nga dili mulapas sa 14 ka adlaw ang pagtinir.

Apan, ang mga diplomatic ug official/service passport holders dili sakop sa exemption.

Nagsugod pag-usab ang visa-free program para sa mga Pilipino kaniadtong Septembre 29, 2022

Kini nga lakang gilangkuban sa padayon nga pagsuporta sa malungtaron nga relasyon tali sa Pilipinas ug Taiwan.