Vicky Belo, nagpaklaro sa di pantay nga dughan

Hilabtan na lang bisan unsang butang bahin kang Dra. Vicky Belo apan dili ang iyang dughan.

Sa iyang Instagram, gipaambit sa sikat nga cosmetic surgeon ang screenshots sa mga komento sa pipila ka netizens kabahin sa dughan niya kini tungod dili kini pantayu.

Sumala ni Dra. Belo nga walay kamatuoran nga gipausab sa mismong clinic niya ang iyang dughan.

Ang tinuod kay niadtong 2016 dihang na-diagnose siya nga may breast cancer hinungdan nga mibiyahe sa New York, USA para mag-paopera.

Kaniadtong 2023, hilabihan ang pasalamat sa asawa ni Hayden Kho nga pito ka tuig na matod pa siya nga ‘cancer-free’.

Giangkon niya nga sa sinugdanan na-depress siya sa iyang sakit apan sa karon nakakat-on na siya nga madawat ang gidangatan.