GENSAN- Gitan-aw ni Gensan City Vice Mayor Edmar Yumang nga dako ang posibilidad nga ma-dismiss ang impeachment case batok kang Vice President Sara Duterte.
Matud niya, wala’y mga ngalan nga makita sa Notice of Disallowance sa Commission on Audit (COA), lakip na ang mga giingong “Piatos” nga gihisgutan sa kaso.
Giingon ni Yumang nga dili pa final ug executory ang Notice of Disallowance tungod kay mahimo pa kining iapela ngadto sa Court of Appeals o Supreme Court.
Tungod niini, iyang giingong premature ang impeachment case batok sa bise presidente ug mahimong nalapas ang prinsipyo sa exhaustion of administrative remedies.
Gipasabot usab niya nga wala pa mahuman ang administrative proceedings sa COA, busa dili pa angay gamiton isip bug-os nga basehan sa impeachment.
Para kang Yumang, tukma ang legal nga argumento sa kampo ni VP Sara sa pagkuwestiyon sa legal weight sa mga “Piatos” nga nalambigit sa kaso.
