Patay ang bise-mayor og usa sa iyang security aides human nga gi-ambush sa Maguindanao del Sir
Ang biktima mao si South Upi Vice Mayor Roldan Benito nga nagsakay sa usa ka pick-up truck sa Sitio Linao, Barangay Pandan sa maong lugar kauban ang iyang pamilya og security detail dihang sila ang giatake.
Sa maong ambush, nasamdan usab ang asawa ni Benito nga usa ka barangay kapitan sa maong lugar ingon man ang ilang anak og usa pa ka security escort.
Sumala sa Bangsamoro Autonomous Region Police Office, gilayon nga misibat ang mga suspek sa wala pa nasayran nga direksyon og padayon pa karon ang pagpangita sa kapulisan.
Ang South Upi Police og 57th Infantry Battalion sa Philippine Army ang nagapahigayon og clearing og pursuit operations.
Ang Mayor sa South Upi nga si Mayor Reynalbert Insular — nga survivor usab sa tulo ka sulay nga pagpang-ambush, ang gilayon nga mikondena sa insidente og nagpadala sa mensahe sa simpatiya sa pamilya.
