Giklaro sa TV host ug actor nga si Vice Ganda nga wala sila nag-away sa iyang co-host nga si Kim Chiu human siya gibatikos sa pipila ka fans ni Kim nga misaway kaniya tungod sa wala pag-apil sa ngalan sa aktres sa iyang pagdawat sa FAMAS Broadcast Arts Award.
Miingon si Vice nga nasayop ang uban fans sa ilang reaksiyon ug dili angay gamiton ang gugma sa usa ka artista isip rason sa pagpakita og negatibong pamatasan.
Samtang, gipahayag ni Kim nga nasabtan niya ang gibati sa iyang mga supporters ug dili niya gusto nga padak-on pa ang isyu tungod kay giprotektahan lamang siya sa iyang mga fans.
Gipahinumdoman usab ni Vice ang iyang mga sumusunod nga likayan ang “toxic behavior” ug magpakita og respeto ngadto sa uban.
Sa ulahi, gikumpirma ni Vice nga okay ra sila ni Kim ug nagkasinabot sila bisan pa sa nahitabong kontrobersiya.
