Nagbangutan ang showbiz industry sa Pilipinas sa pagkamatay sa beteranong direktor ug aktor nga si Manny Castañeda.
Ang pagkamatay sa nasampit gikumpirma sa kaubang direktor nga si Jose Javier Reyes.
Sa social media account niini, iyang gi-post ang hulagway nilang duha apil ang taas nga mensahe.
Ang direktor wala maghisgot sa hinungdan sa kamatayon ni Castañeda.
Nagsugod ang acting career ni Castañeda niadtong 1979 sa pelikulang Aliw.
Lakip usab niini ang mga salida sama sa “Oro Plata Mata” ,” Relasyon”, “Bukas Luluhod Ang Mga Tala”, “Tinik Sa Dibdib” ug “Sana’y Wala Nang Wakas”.
Pipila sa mga salida nga iyang gihimo mao ang “Guwapings Dos”, “Ging Gang Gooly Giddyiyap” I Love You Daddy” ug uban pa.
Pipila sa mga showbiz personalities nga nipadayag sa ilang pahasubo mao sila si Agot Isidro, Richard Reynoso ug daghan pang uban.
