BUKIDNON– Subling nakasinati og pagbaha ang syudad sa Valencia, Bukidnon, sa unang adlaw sa Bag-ong tuig hangtod kagabie, Enero 2, 2026.
Hapit nausab matabunan sa tubig baha ang usa ka tulay human sa pila ka oras nga kusog nga ulan nga miresulta og pagbaha sa Valencia City ug uban pang bahin sa Bukidnon.
Sumala sa City Disaster Risk Reduction and Management Office, ning kasamtangan padayon pa nga gisuta ang eksaktong gidaghanon sa mga balay nga naapektuhan, hilabi na sa duol sa Panlibatuhan Creek ug Malingon Creek.
Matud ni CDRRMO personnel Romnick Retuya, kasamtangang hugot ang pagmonitor sa mga otoridad sa Purok 20, Purok 21, Purok 6-A, Purok 13, ug Purok 16 sa Barangay Poblacion nga gikatahong sagad maapektohan sa paspas nga pagsaka sa tubig baha.
Hinuon, walay naitalang nasamdan o dakong kadaut sa kabtangan.
