GENERAL SANTOS CITY – Gikatakda nga muabot sa syudad si vaccine czar Carlito Galvez sa Hulyo 21, 2021 aron hisgutan ang vaccination program .
Matud pa kang Mayor Rivera nga nagpadala na og sulat ang syudad kang Galvez aron nga mahatagan og bakuna ang mga gatrabaho sa fishport og sa fishing industry gumikan mahinungdanon ang ilang operasyon sa ekonomiya.
Gibutyag sa mayor nga 5,000 vials sa vaccines ang inisyal nga gihangyo sa dakbayan.
Nanghinaut ang mayor nga sa pag-abot ni vaccine czar Galvez sa syudad mas daghang vaccines ang makadawat sa dakbayan aron dali nga maangkon ang herd immunity.
Sa pagkakaron pulos gipalit sa national government, donasyon og may miabot na nga bakuna nga gipalit sa private company ang nakaabot sa dakbayan.
Ang P125 million nga gigahin sa syudad alang sa pagpalit sa dakbayan ang wala pa napalit gumikan sa rason nga ang national government lang ang gitugtan nga makapalit.
Gawas pa sa isyu nga kulang ang supply sa bakuna sa world market.
