GENERAL SANTOS CITY – Andam na tanan sa LGU Sarangani sa pagsugod ning adlawa sa pagbakuna batok sa COVID 19 kini human nga nag-abot ang Sinovac vaccine sa probinsya.
Matud ni Dr. Arvin Alejandro, provincial health officer sa Sarangani, anaa sa 346 doses sa maong bakuna ang gihatag sa DOH 12 alang sa mga hospital staff sa Dr. Cornelio Martinez Hospital sa Kiamba ug Sarangani Health Care Facility nga nahimutang sa Capitol compound.
Gikadugang pa niini nga ang mga Hospital chief ang nagbolontaryo nga unang magpabakuna. Sa pamahayag ni Dr. Alejandro, dili kini magduha-duha nga magpaturok sa bakuna nga hinimo sa China kung may sobra nga bakuna.
Miapela kini sa mga katawhan nga magpabakuna gumikan dili ihatag sa gobyerno ang maong bakuna kung dili luwas og epektibo gawas pa nga gitun-an pagmaayo sa mga eksperto.
