Giangkon ni Dr. Arvin Alejandro, provincial health officer sa Sarangani nga hagit ngadto kanila ang vaccination rollout batok sa COVID 19 sa probinsya.
Matud pa ni Dr. Alejandro nga daghang mga bakuna ang miabot sa Sarangani og wala pa nahurot ang unang gipadala adunay delivery na usab gikan sa DOH 12.
Usa sa laing nakit-ang problema nila ang kakulangon sa mga vaccinators.
Tungod niini ilang gisugyot nga mahatagan og tag P2 million ang kada munisipyo sa Sarangani nga gamition sa COVID 19 response lakip sa vaccination rollout.
Apila ni Dr. Alejandro sa katawhan nga magpabakuna na gumikan delikado ang COVID 19.
Dili na magduha-duha sa pagbakuna gumikan miagi sa pagtuon sa mga eksperto nga makaayo sa maong sakit.
Nasayran nga kadtong kumpleto ang bakuna ang dili magrabehan oras nga matakdan sa COVID 19.
