V sa BTS, nakasinati og problema sa pandungog

Gibutyag ni Kim Tae-hyung o mas nailhan nga si V sa grupong BTS nga nakasinati siya og problema sa iyang pandungog.

Sa usa ka video stream, miingon si V nga hapit na duha ka tuig siyang nakasinati sa maong problema sa iyang tuo nga dalunggan.

Dugang pa niya, 100 percent ang iyang pandungog sa wala nga dalunggan, samtang anaa lamang sa 30 percent ang pandungog sa tuo.

Niadtong Disyembre 2023, mi-enlist si V sa militar ug niaging tuig lamang siya nakagawas gikan sa serbisyo.

Wala niya pakamenosa ang maong problema ug padayon na siyang nagpatambal alang niini.