Padayon nga mikunhod ang utang sa gobyerno sa Pilipinas.
Sumala sa Bureau of Treasury (BTr), ang utang sa gobyerno mikunhod gamay ngadto sa P17.46 trilyon sa katapusan sa Septyembre karong tuiga gikan sa P17.47 trilyon nga kinatibuk-ang utang sa katapusan sa Agosto 2025.
Sa usa ka pahayag, gipasabot nga ang padayon nga pagkunhod sa utang sa gobyerno nagpakita sa mabinantayon nga pagdumala sa panalapi, estratehikong pagpangutang, ug proaktibo nga pagdumala sa liability, inubanan sa lig-on nga kondisyon sa merkado ug lig-on nga pagsalig sa mga domestic investor.
Dugang pa nga , ang utang sa nasud mikunhod og 0.9% o ngadto sa P11.97 trilyon samtang ang gobyerno mibayad og mas daghang utang kaysa sa mga bag-ong issuance.
Ang utang sa gawas, sa laing bahin, misaka og 1.9% o ngadto sa P5.48 trilyon sa katapusan sa Septyembre, panguna tungod sa pag-ubos sa bili sa peso.
Sa kinatibuk-an, sumala sa Bureau of Treasury, ang datos sa Septyembre nagpamatuod sa lig-on nga disiplina sa panalapi sa administrasyong Marcos Jr. ingon man ang proaktibo nga pagdumala sa utang, nga nagsiguro nga ang panalapi sa gobyerno magpabilin nga malungtaron, estratehiko, ug nagsuporta sa mga prayoridad sa pagtubo sa atong nasud.
