GENERAL SANTOS CITY Anaa sa kustudiya sa kapulisan ang usa ka top 10 most wanted drug suspect nga nasikop atol sa usa ka operasyon sa miaging Hunyo 5, 2025, sa Barangay Fatima, General Santos City.
Ang suspetsado nga nailhan sa alyas nga “Chibo,” 26 anyos, ug residente sa General Santos City, nadakpan sa mga sakop sa Police Station 7.
Nasikop ang nasampit pinaagi sa warrant of arrest alang sa kalapasan sa Sections 11 ug 12, Article II sa Republic Act 9165 o Comprehensive Dangerous Drugs Act of 2002.
Human sa pagdakop, gikustudiya ang suspetsado sa Police Station 7 samtang naghulat sa commitment order padulong sa General Santos City Jail sa Barangay Apopong.
Matud ni PBGEN Arnold P. Ardiente, Regional Director sa PRO 12, ang maong operasyon nagpamatuod sa padayon nga paningkamot sa PRO 12 sa pakigbatok sa ilegal nga druga ug pagdakop sa mga wanted nga tawo
