GENERAL SANTOS CITY -Usa ang patay samtang laing usa ang nadala sa tambalanan sa pagpamusil nga nahitabo sulod sa merkado publiko sa Glan Sarangani Province.
Giila ang namatay nga si Nelson Lagdamen, traysikel driver nga molopyo sa Glan Poblacion samtang ang samaron giila nga si Jushua Villarino nga nakaangkon ug samad sa tiil nga out-patient gilayon sa ospital.
Matud ni Police Chief Instr. Nel Wadingan nga usa lamang ang suspek nga mihimo sa pagpamusil nga gilayon usab mipalayo sa lugar.
Tumong matud pa sa suspek mao si Lagdamen tungod giigo kini sa ulo gamit ang caliber 45 pistol.
Human makita nga natumba ang biktima dayon nga mipalayo sa lugar ang suspek.
Nasuta nga naangin lamang ang ikaduha nga biktima tungod naa kini duol sa bikitma nga si Lagdamen dihang natigayon ang pagpamusil.
