GENERAL SANTOS CITY – Usa ang patay samtang tulo ang angol ug padayong nagpaalim sa balay-tambalanan human ang natigayong banggaanay sa motorsiklo ug tricycle sa national highway, Brgy Pagalungan, Polomolok, South Cotabato.
Giila ang namatay nga biktima nga si Winnie Rose Rivera, 15 anyos, taga-Poblacion, Polomolok, samtang nagpabilin sa provincial hospital ang driver sa motorsiklo nga si Nasser Compa, 31b anyos, taga-Brgy Fatima ning dakbayan, Jennylyn Rivera, 16 anyos, ug ang driver sa tricycle nga si Jose Cuetino, 48-anyos, taga-Koronadal Proper, Polomolok.
Sa imbestigasyon, backride sa motorsiko ang duha ka dalagita nga biktima kung asa gikan sa Poblacion ang motorsiklo dihang pag-abot sa Pagalungan wala niini namatikdan ang tricycle hinungdan nga iyang nabanggaan.
Nangalagpot ang sakay sa motorsiklo, hinungdan nga gipangdala sa ospital ang mga sakay niini, kung asa gideklarang dead on arrival si Winnie Rose.
Giimbestigahan pa sa Traffic Management Unit sa Polomolok ang naasoy’ng insidente, aron masayran kinsa ang angayang mapanubag.
