GENERAL SANTOS CITY – Dead on the spot ang usa ka biktima sa vehicular accident nga natigayon sa Fil-Am road, Brgy Fatima ning syudad.
Ang biktima nga si Alfy Reyes, hamtong ang pangidaron nga taga 3rd IB Fatima.
Sa imbestigasyon, nagsundanay paingon sa GEnSan Airport ang motorsiklo nga maneho sa biktima og ang traysikel nga maneho sa nagpangalan ug Loni Markeso, 27 anyos nga residente sa Prk 7, New Sociaety Apopong ning syudad.
Apan gadagan ang motorsiklo kalit kining mibangga sa traysikel hinungdan nga nadisgrasya.
Tungod sa kakusog sa impact sa pagbangga, nakaangkon ang biktima og serious head injury nga hinungdan sa iyang hinanaling kamatayon.
Samtang swerte usab nga wala nasamdan ang usa ka pasahero sa traysikel.
Kahibaluan nga natigayon ang insidente samtang gaulan.. Pagkakaron, anaa sa kustodiya sa Fatima Police station ang duha ka sakyanan samtang giimbestigahan ang hitabo.
