GENERAL SANTOS CITY – Matigayon na ugmang adlawa ang Sarangani Bay festival 2023, Huwebes, Mayo 25 nga molungtad hangtod Mayo 27 diin sa unang adlaw adunay daghang aktibidad nga giandam lakip na dinhi ang Bombo Bancarera in partnership with Pioneer Epoxy nga adunay 50 ka mga Banca riders ang mag lumba.
P50,000 cash prize plus makina ug pala alang sa magkampeon, 30,000 plus makina ug pala sa 1st runner up, ug 20,000 plus pala ang 2nd runnerup.
Apan walay mouli nga dili makadawat ug premyo tungod makadawat gihapon ug tig- 2,000 pesos ang mga non-winning participants.
May kalabutan niini, imbitado ang tanan gumikan libre kining masaksihan sa Gumasa Beach sa Glan Sarangani.
Dili lamang mga dagkong papremyo alang sa mga banca riders ang nagpaabot, apan alang usab sa mga buot modayo.
Masinatian ang gipasigarbo nga white sand beach sa Sarangani sa nagkadaiyang mga aktibidad nga ma-enjoy sa tanan.
Maong giawhag ang tanan sa Provincial local Government nga magkita-kita kita sa Sarbay fest gikan Mayo 25 hangtud Mayo 27.
