Gipaklaro ni Pmaj. Lloyd Caigas ang station commander sa Malapatan Municipal Police Station nga dugay na nilang gina sundan ang suspek nga giilang si Alias Jolas 40 anyos, usa ka Street Level Individual nga residente sa Prk. Hussein, Brgy. Tuyan Malapatan, Sarangani Province.
Human sa gipahigayong buybust operation sa Prk. Luan, Brgy. Lun Masla, Malapatan, Sarangani Province sa miaging adlaw Pebrero 24, 2025 alas 11:25 sa gabii.
Matod pa ni Caigas nga usa si Alias Jolas sa dako kaayo mopayuhot ug droga sa Malapatan.
Nakumpiska sa posisyon sa nahisgutang suspek ang upat ka large sachet sa ilegal nga droga nga gibana-banaang adunay gibug aton nga 30 grams ug dunay standard drug price nga P204,000.
Gawas sa droga nakumpiska usab ang usa ka unit sa Caliber 38 revolver. Kasong Violation of Sec. 5 and 11 sa RA 9165 ug RA 10591 ang kasong paga atubangon sa maong suspek.
