GENERAL SANTOS CITY – Nagpabiling anaa sa kustodiya sa Alpha company sa 73rd Infantry Battalion ang usa ka lider sa New People’s Army(NPA) og laing usa ka miyembro samtang ginahikay ang mga papeles aron malakip ang duruha sa Enhance Comprehensive Local Integration Program kon CLIP sa gobyerno og ihatag kanila nga livelihood program.
Kini human nga mitahan sa kamot sa kasundalohan niadtong Sabado sa gabie sa Sitio Akbual Baranagy Upper Suyan Malapatan Sarangani Province.
Giila ni Lt. Col. Marion Angcao, Commander sa 73IB ang mga NPA surenderee nga si Dondon Tumbo alyas Joshua, 19, nga usa ka squad leader nga residente sa Lower Kilotong, Brgy. Pag-asa, Alabel og Martin Mangayong alyas Margas, 40, nga taga Akbual, Brgy. Upper Suyan, Malapatan, Sarangani Province.
Ang duruha ang pulos sakop sa Squad 1, Platoon 1, Guerilla Front 71, sa Far South Mindanao Region og duha ka tuig na sa kalihokan.
Dala ni alyas Joshua ang M16 rifle samtang AK 47 usab ang dala nga armas ni alyas Margas.
Misurender matud pa ang duruha tungod sa kahadluk ug kalisud nga nasinatian sa kabukiran human ang mas gipahugot nga operasyon sa gobyerno batok sa teroristang NPA.
Una niini sa miaging Pebrero 15, 2018, tulo ka NPA ang nagsurender usab sa 73IB, nga gipangunahan sa Squad Leader sa Platoon North sa Guerilla Front 71 sa Far South Mindanao kung asa bitbit ang usa ka M16 rifle.
