Gikabutyag nga posibleng sa nagpadayon nga pag ulan ang hinungdan sa pagdahili sa yuta sa Bagong Buhay, Barangay Bunao, Tupi, South Cotabato sa milabayng adlaw, Mayo 13, 2025 alas 2 sa hapon.
Diin usa ka lalaking giila sa Tupi Municipal Police Station nga si Ramsel Pasawilan, 25 anyos, residente sa Kamanga Laguilayan Isulan, Sultan Kudarat ang napatay human sa maong insidente.
Sumala pa nga nakadawat ug tawag si PMaj. Rovi Jardenil, ang station commander sa maong buhatan kalabot sa landslide accident nga natigayon sa nahisgutang lugar.
Dali kining girespondihan sa mga awtoridad aron sutaon ang report.
Sa Initial investigation nigawas nga ang biktima ang trabahante sa carnival, asa naka-angkon kini ug daghang samad sa lain-laing parte saiyang lawas tungod sa insidente.
Ang responding team sa MDRRMO personnel ug BFP-Tupi ang daling gi rescue ang maong biktima ug gidala sa balay tambalanan apan gideklara ra gihapon sa attending physician nga dead on arrival.
