Mukabat sa P136,000 ang kantidad sa ilegal nga droga ang nakumpiska sa mga otoridad sa gipahigayon nga drug entrapment operation sa Purok Dela Pena, Brgy. Tuka, Bagumbayan, Sultan Kudarat.
Ang naaresto nga suspek ang nailhan nga si alias “Okoy”, 42 years old, driver nga makonsidera nga usa ka street level individual.
Narekober gikan sa iyang possession ang usa gamay og duha ka dako nga sachet sa gituohang shabu nga anaa sa 20 grams.
Gawas pa nga narekober sa iyang possession ang usa ka P1000 nga buy-bust money; usa ka buok nga pouch og usa ka unit sa motorcycle Bajah CT 100, color black nga may side car.
Ang malampuson nga operasyon gumikan sa determinasyon sa kapulisan sa kooperasyon sa publiko aron masumpo ang ilegal nga droga nga usa sa mga nag-unang problema sa nasud.
