-- ADVERTISEMENT --
GENERAL SANTOS CITY – Patay na nga miabot sa balay tambalanan ang usa ka lalaki nga nagdula lamang sa online games dihang gipusil sa duha ka mga lalaki.
Giila sa kapulisan ang biktima nga si Karl Jeron Coniza, 21 anyos nga residente sa Purok 11 B, Poblacion Tupi, South Cotabato.
Matud sa kapulisan nga samtang gadula ang biktima miabut ang motor in tandeem ug gipusil ang nasampit.
Igo sa ulo og dughan ang biktima nga maoy hinungdan nga gideklara nga dead on arrival sa tambalanan.
Narekober sa lugar ang duha ka slug ug tulo ka fired cartridge sa caliber 45 pistol.
-- ADVERTISEMENT --
Gitigum na sa kapulisan ang background sa biktima samtang wala pa makapagawas ug motibu sa pagpamusil.
