GENERAL SANTOS CITY – Nabilanggo karon sa selda ang usa ka lalake nga nasikop human makuhaan og P215,000 nga balor sa gituohang shabu atol sa usa ka operasyon sa Purok Badjao Village, Barangay Bawing sa miaging Hunyo 22, 2025.
Gipangunahan sa mga sakop sa Police Station 5 ug SWAT team sa General Santos City Police Office (GSCPO) ang operasyon pinaagi sa usa ka search warrant batok sa paglapas sa Republic Act 9165 o Comprehensive Dangerous Drugs Act of 2002.
Ang suspetsado giila sa alyas nga “Putot,” 41 anyos, ug lumolupyo sa maong lugar.
Nakuha sa mga otoridad ang 15 ka sachet sa gituohang shabu nga may gibug-aton nga 31.66 gramos ug nagkantidad og P215,288.
Apil usab sa mga narekober ang mga drug paraphernalia.
Gidala ang suspetsado ug ebidensya sa Police Station 5 alang sa tukmang dokumentasyon ug legal nga proseso.
kalihukan.”
