GENERAL SANTOS CITY – Nakit-an ang usa ka eksplosibo sa Purok Ismael, Barangay Lumatil, Maasim, Sarangani Province.
Base sa report gikan sa Maasim Municipal Police Station nga gipahibalo kanila ni Cresicio Andus, usa ka 61-anyos nga mag-uuma ug residente sa Purok 2, Barangay Kabatiol, kalabutan sa nakit-an nga “suspected explosive item”.
Gumikan niini nagreponi gilayon ang kapulisan sa Maasim kauban ang mga eksperto sa Sarangani EOD (Explosive Ordnance Disposal).
Pag-abot sa lugar nakit-an ang usa ka Unexploded Explosive Ordnance (UXO) nga gihulagway sa EOD team nga Cartridge, 60mm High Explosive (H.E.).
Gumikan niini gipahigayon ang Render Safe Procedure (RSP) pinaagi sa Blast In Place (BIP) aron nga dili na makamugna og kadaut.
Ang kapulisan nag-awhag sa publiko nga kung adunay makit-an nga susamang butang, dili kini hilabtan ug ipahibalo dayon sa mga otoridad.
