-- ADVERTISEMENT --
GENERAL SANTOS CITY – Gibantayan sa City Health Office (CHO) sa dakbayan ang usa ka Chinese national nga gikan sa Wuhan China gikonsidera nga person under monitoring tungod sa corona virus.
Sumala pa ni Dr. Lalaine Calonzo sa CHO, ang maong langyaw niabut sa syudad niaging Enero 23, 2020, gikan sa Wuhan kung asa didto naggikan ang maong sakit.
Gibutyag ni Dr. Calonzo nga pag-abut sa maung langyaw sa dakbayan gilayon kining gipailawom sa self-quarentine.
Nasayran nga ika-14 nga adlaw karon sa maung langyaw apan walay nakita nga unsa mang sintomas sa pag-angkon sa maong sakit.
Luyo niini hugot gihapong gimonitor ang nasampit.
-- ADVERTISEMENT --
