Usa ka batang babaye patay human naapil sa pagkasunog sa ilang balay

GENERAL SANTOS CITY – Nagbangutan karon ang pamilya sa usa ka sais anyos nga bata nga naapil kasunog sa ilang balay sa Nursery Road, Barangay Lagao Gensan.

Giila ang biktima nga si Cassy Pantinople, residente sa nasangpit nga lugar. Matud pa sa imbestigasyon sa Bureau of Fire Protection-Gensan nga gibiyaan ang bata sa iyang mga ginikanan sa ilang balay tungod naninda sa palengke.

Wala nila damha ang nahitabo sa dihang may nagtawag kanila nga nasunog ang ilang balay.

Gikabutyag nga wala makagawas ang bata sulod sa ilang balay og naapil ug kasunog.

Gama sa lights materials ang balay hinungdan nga paspas kaayong gilamoy sa kalayo.