Samtang ang ubang mga babaye migamit og “false eyelashes” aron adunay tag-as ug nindot nga mga pilok, sa siyudad sa Shanghai sa nasud sa China, usa ka babaye ang gipasidunggan sa Guinness World Records tungod sa iyang taas nga mga pilok nga niabot lang sa otso pulgadas o 8 pulgadas.
Ang babaye nga si You Jianxa nga taga nasangpit nga lugar ang giingong adunay pinakataas nga eyelashes sa tibuok kalibutan ug nakadawat siya sa unang Guinness recognition niadtong Hunyo 28, 2016 apan 4.88 inches lang ang gitas-on sa iyang eyelashes.
Ang istorya ni Jianxa, tuig 2015 sa dihang namatikdan niya nga ang iyang mga pilok nagpadayon sa pagtubo kaysa sa normal nga mga pilok sa ubang mga tawo.
Nisuway siya og konsulta sa mga medical professional apan bisan siya niingon nga dili nila mapasabot ang iyang kahimtang.
Nagtuo siya nga mahimo kini nga hereditary apan gawas kaniya, wala’y laing miyembro sa iyang pamilya o clan nga adunay parehas nga kahimtang.
Lima ka tuig na ang milabay, nalabwan niya ang iyang kaugalingong world record human nitubo ang iyang mga pilok ngadto sa 8 ka pulgada ang gitas-on.
Matod niya, nagtuo siya nga regalo kini gikan kang Buddha tungod kay mas sayon matud pa nga tuohan nga kini usa ka divine intervention ilabi na kay dili kini mapasabot sa siyensya.
