GENERAL SANTOS CITY – Hugot nga gitutukan sa kapulisan ang nasikop nga usa ka babaye nga taga Gensan nga nakuhaan ug duha ka sachet sa shabu.
Matud sa kapulisan naa sa quarantine checkpoint ang babaye dihang kalit nahulog ang duha ka putos sa ilegal nga druga gikan sa gigunitan nga nilokot nga papel.
Giila sang suspek nga Gina Fhier Cantoja, 43 anyos nga residente sa Apopong ning dakbayan.
Nagpahigayon ug pagsusi ang kapulisan sa Crossing Kipot, Barangay Liwanay, Banga, South Cotabato dihang gipangayu-an ug papeles apan dihang gibukhad ang bitbit nga voters registration nahulog ang duha ka sachet sa druga.
Nakalitan apil ang kapulisan sa nakita nga druga hinungdan nga giposasan ang babaye ug gidala sa presento.
Sulod sa selda nagpakahilum matud pa ang suspek kalabut sa dala niini nga druga.
