Gikumpirma sa US Vice President JD Vance nga ang Russia nagpakita og ““significant concessions” o kaandam nga makigsabot aron tapuson ang gubat sa Ukraine.
Sa usa ka pakighinabi sa kaniadtong Domingo si Vance miinsistir nga ang Russia “flexible” sa pipila sa mga panguna nga gipangayo niini, lakip ang pag-ila sa soberanya sa Ukraine ug pagsalikway sa pag-instalar sa puppet regime sa Kyiv.
Bisan kung wala’y plano nga meeting tali sa Presidente sa Russia nga si Vladimir Putin ug Presidente sa Ukraine nga si Volodymyr Zelensky, gipasiugda ni Vance nga ang administrasyon ni Trump seryoso bahin sa diplomasya.
Siya usab miingon nga ang posibilidad sa bag-ong mga silot batok sa Russia wala isalikway.
Samtang, sa usa ka bulag nga pakighinabi, ang Russian Foreign Minister nga si Sergey Lavrov miingon nga ilang gitahod ang Presidente sa US nga si Donald Trump ug nga wala siya gigamit sa Russia, sa samang higayon nga ang mga lider sa European Union giingon nga nagbabag sa kasabutan.
