Gitugotan sa U.S. Supreme Court ang administrasyon ni Presidente Donald Trump niadtong Biyernes, Nobyembre 7 sa pagpugong sa kapin $4-bilyones nga pundong gitagana sa food aid tungod sa nagpadayong government shutdown.
Ang maong food aid program kay nahimuslan sa kapin 42-milyones ka mga low-income Americans.
Ang maong court order naghatag sa lower court og dugang panahon sa pagkonsiderar sa pormal nga sugyot sa administrasyong Trump nga katungaan usa ang pagpundo sa Supplemental Nutrition Assistance Program (SNAP) o food stamps program karong buwan sa Nobyembre.
Ang miisyu sa maong desisyon kay si Justice Ketanji Brown Jackson nga unta ma-expire kini duha ka adlaw human ang Boston-based 1st U.S. Circuit Court of Appeals midesisyon sa sugyot sa administrasyon sa pagpaghunong human ang U.S. Department of Agriculture nibayad sa tibuok kantidad sa kasamtangang buwan nga SNAP benefits nga nagbalor sa $8.5 ngadto sa $90-bilyones kada buwan.
