Gitawag ni US President Donald Trump ang mga balita nga mikaylap bahin sa kaepektibo sa ilang pagpamomba sa mga nuclear sites sa Iran nga “fake news.”
Bisan pa sa taho sa US Defense Intelligence Agency (DIA) nga ang underground nuclear nga pasilidad sa Iran wala madaot ug ang nukleyar nga programa niini malangan lang ug pipila ka bulan.
Apan matod ni Trump, “inconclusive” ang report ug nagtuo siya nga naguba na ang mga pasilidad.
“We have the best equipment, best nuclear and we have the best equipment in the world,” pagpanghambog ni Trump.
Ang Presidente midugang nga ang Iranian Ministry kaniadto miingon, “Its nuclear installations, were very badly damaged by the American strikes.”
Ang Presidente mihimo sa pamahayag human si Trump mitambong sa NATO summit sa Netherlands, niadtong Miyerkules (lokal nga oras) uban sa mga kaubang opisyal ug US Defense Secretary Pete Hegseth, kinsa usa usab sa mga nagduhaduha sa pagka-epektibo sa taho sa DIA.
