Gipahamtangan sa US og 50 percent nga taripa ang mga produkto gikan sa Canada nga nagkantidad og kapin $20 billion.
Nasunod kini human mapakyas ang negosasyon sa patigayon tali sa duha ka nasud.
Wala man gud nakab-ot og pinal ug klarong kasabutan si US President Donald Trump ug Canadian Prime Minister Mark Carney.
Sulod sa tulo ka adlaw nga panaghisgot sa duha ka lider sa White House, wala masulbad ang ilang panaglalis bahin sa pagkunhod sa taripa nga gustong ipatuman.
Matud ni Carney, sa mosunod nga mga adlaw ilang tubagon ang pagpatuman sa US og taripa batok sa ilang mga produkto.
Niadtong miaging tuig, nagpatuman na si Trump og taripa sa mga dagkong produkto nga gi-import gikan sa Canada.
Sukad niadto, naghulga ang duha ka lider sa usag usa bahin sa pagpatuman og mas taas nga taripa.
Tungod niini, daghang mga negosyante sa Canada ang posibleng maapektuhan tungod sa mga produkto nga ilang gi-export ngadto sa US.
