Gikataho ang militar sa US nga nangandam sa paglusad og atake sa Iran, posible sa katapusan sa semana.
Bisan pa, si US President Donald Trump wala pa makahimo og pinal nga desisyon kung tugutan ba ang maong aksyon, sumala sa daghang mga tinubdan nga pamilyar sa butang.
Ang White House gikataho nga gipahibalo nga ang militar andam na sa pag-atake sa katapusan sa semana, sumala sa usa ka tinubdan, human sa pagtigom sa mga asset sa hangin ug dagat sa Amerika sa bag-ohay nga mga adlaw sa Middle East.
Bisan pa, sumala sa usa ka tinubdan, si Trump pribado pa nga nagdebate kung maglusad ba og aksyong militar ug nagkonsulta sa mga adviser ug sa iyang mga kaalyado sa labing maayong buhaton.
Kahinumduman nga niadtong Martes, ang mga negosyador sa Iran ug US nagpahigayon og dili direkta nga mga panagsulti sa Geneva aron mahupay ang tensyon tali sa duha ka nasud, apan natapos kini nga wala’y klaro nga resolusyon.
