Gipahibalo sa US nga si Secretary of State Marco Rubio nga ang Estados Unidos mopatuman og visa ban batok sa mga langyaw nga opisyal nga giingong nalambigit sa pagsumpo sa kagawasan sa pagpadayag sa mga Amerikano, ilabi na sa internet.
Bisan tuod walay nasud o indibidwal nga ginganlan, si Rubio miingon nga ang bag-ong polisiya nagtumong sa pagpugong sa mga langyaw nga opisyal sa pagdiktar sa content moderation sa U.S.-based tech platforms sama sa Meta.
Matod niya nga dili madawat ang mga langyaw nga hulgaon nga arestuhon base sa mga post sa social media nga gikan sa sulod sa Amerika.
Ang lakang moabut taliwala sa pagtaas sa tensyon tali sa US ug European Union, labi na sa pagpatuman sa EU Digital Services Act – usa ka balaod nga gisaway sa US.
opisyal isip usa ka matang sa censorship. Sumala sa mga opisyal sa US, ang bag-ong palisiya kabahin sa usa ka mas lapad nga lakang aron panalipdan ang kagawasan sa pagpahayag atubangan sa pagpalapad sa mga regulasyon sa gawas sa nasud.
Ang mga representante gikan sa U.S. kasamtangan usab nga nakigsulti. Ang Departamento sa Estado nakigkontak sa mga gobyerno sa France ug Ireland bahin sa isyu.
