Magpadala og tropa sa militar og advanced anti-missile system ang Estados Unidos sa Israel.
Sumala kang US President Joe Biden, tumong sa deployment sa maong system mao nga depensahan ang Israel.
Pahayag usab ni Pentagon Spokesperson Pat Ryder, ang Terminal High-Altitude Area Defense (THAAD) battery mao ang mag-augment sa integrated air defense system nga ginagamit sa Tel Aviv.
Dugang niya nga kabahin kini sa US military adjustments aron suportahan ang Israel og proteksyunan ang mga Amerikano batok sa pagpangatake sa Iran og sa mga militia nga kaalyado niini.
Una ng nagpahimangno ang foreign minister sa Iran nga ginabutang sa US sa risgo ang kinabuhi sa ilang mga militar kun ipadala sila aron mag-operate sa US missile systems sa Israel.
Kahinumduman nga sa miaging bulan sa Abril, nagpalupad ang Iran og missiles og drones sa maong Jewish state.
Kaniadtong Oktubre 1 usab, sobra sa 200 ka ballistic missiles ang gipaulan pag-usab sa Tel Aviv samtang nagasamot ang tensyon batok sa Hezbollah militants.
Kadaghanan sa maong missiles ang na-intercept sa Israel apan adunay pipila ang nakalusot sa missile defenses.
