Nagkauyon ang Amerika ug Iran nga magpahigayon og mga panagsulti sa Oman , bisan kung wala’y klaro nga agenda alang sa mga panagsulti.
Giingon kaniadto sa Washington nga ang mga panagsulti mag-focus sa arsenal sa missile sa Tehran ug sa nuclera programs niini.
Misamot ang tensyon tali sa duha ka nasud tungod sa pagpanghadlok sa Iran sa mga nagprotesta ug ang pagpadala sa dugang nga pwersa sa US sa Middle East, ingon man ang pasidaan ni Presidente Donald Trump sa US nga mahimo niyang bombahan ang Iran bisan unsang orasa.
Sa laing bahin, nahibaluan nga ang espesyal nga envoy sa US nga si Steve Witkoff, ang umagad nga lalaki ni Trump nga si Jared Kushner, ug ang Foreign Minister sa Iran nga si Abbas Araqchi gikatakda nga maghisgot sa mga sangputanan sa mga tensyon sa rehiyon.
Samtang ang lugar alang sa mga panagsulti gikatakda nga ibalhin sa Istanbul, sumala sa gusto sa Iran.
Nagpasidaan ang Amerika nga ang kapakyasan sa Tehran sa pagsunod sa kasabutan mahimong adunay negatibo nga epekto sa nasud. Masaligon ang envoy sa Iran nga ang duha ka nasud makab-ot sa usa ka kasabutan nga mahimong magtangtang sa mga silot sa Kasadpan.
Samtang, ang nagkataas nga tensyon nakapataas usab og kabalaka bahin sa ekonomiya sa Iran, nga naapektuhan sa pagsaka sa presyo sa lana ug sa hulga sa posibleng mga airstrike.
