Miuban si United States Ambassador MaryKay Carlson sa mga tag-as nga opisyal sa Pilipinas sa gipahigayon nga tour sa WPS pinaagi sa American maritime patrol aircraft.
Lakip sa mga miuban sa tour silang Executive Secretary Lucas Bersamin, Chief Justice Alexander Gesmundo, Presidential Assistant on Maritime Concerns Andres Centino og Philippine Coast Guard Commandant Admiral Ronnie Gil Gavan.
Sa iyang X account, gipaambit ni Carlson ang mga hulagway niini samtang sakay sa P-8 Poseidon samtang nagpahigayon og aerial tour sa exclusive economic zone sa Pilipinas.
Sa nahimong pahayag usab ni US embassy spokesman Kanishka Gangopadhyay, gibutyag niini nga ang maong aerial tour sa WPS ang kabahin sa regular nga engagement sa mga tag-as nga mga lideres sa nasod sa mga isyu kabahin sa importansya sa international maritime law.”
