Namatay na ang pioneer sa mga katungod sibil ug ministro sa Baptist nga si Reverend Jesse Jackson sa edad nga 84.
Gikumpirma sa iyang pamilya ang balita apan wala nila gihatag ang hinungdan sa iyang kamatayon.
Niadtong Nobyembre sa miaging tuig, naospital siya tungod sa progressive supranuclear palsy (PSP), nga nakaapekto sa iyang paglakaw.
Nadayagnos usab siya nga adunay Parkinson’s disease niadtong 2017.
Natawo sa Greenville, South Carolina, nahimong sikat siya isip usa ka aktibista.
Nahimo siyang suod ni Dr. Martin Luther King ug nakig-uban pa gani kaniya sa mga protesta.
Midagan siya pagka-presidente niadtong 1984 ug 1988 apan napildi.
Niadtong 1984, gilunsad niya ang National Rainbow Coalition, nga kritikal kang US President Ronald Reagan.
Niadtong 1999, gitabangan ni Jackson nga masiguro ang pagpagawas sa tulo ka mga sundalong Amerikano nga gidagit sa Yugoslavia, diin gihatagan siya ni Presidente Bill Clinton sa Presidential Medal of Freedom.
