Gipatumba ni undefeated US boxer Jesse Rodriguez si Juan Francisco Estrada sa Mexico aron makuha ang World Boxing Council super flyweight title.
Unang gipatumba sa 24-anyos nga US southpaw boxer si Rodriguez sa ikaunom nga round sa dula nga gipahigayon sa Phoenix, Arizona.
Pagsulod sa ikapito nga round wala na giundangan ni Rodriguez ang Mexican boxer sa pagpaulan ug mga kinumo nga nagresulta nga napatumba ang kaatbang hinungdan napugos si referee Chris Flores nga hunungon ang dula.
Tungod niini, adunay limpyo nga 20 ka daug ug pay pildi nga adunay 13 knockouts ang American boxer samtang ang 34-anyos nga si Estrada adunay 44 ka daug ug upat ka pildi.
Si Rodriguez nga kanhi flyweight ug super flyweight champion mibiya sa 112 pounds ug misaka sa 115 pounds division ug gihagit si Estrada.
