GENERAL SANTOS CITY – Sikop ang duha suspek matud pa sa pagbusikad sa Purok Ilang Ilang, Brgy. New Isabela, Tacurong City, Sultan Kudarat kagabie.
Gihuptan na sa kapulisan silang Warren Gane, 18 anyos ug Juhari Gane, 19 anyos kung asa gipailawom na sa imbestigasyon.
Gipanghimakak sa duha ang akusasyon kanila sa mga otoridad.
Kahinumduman nga dili muobos sa napulo ka tawo ang samaron sa pagbusikad sa improvised explosive device (IED) pipila ka metro ang gilay-on sa Dragon fuel retail station.
Lakip sa mga samaron ang mga pulis og mga sundalo nga igo ra nagrespondo sa lugar aron unta i-deactivate ang IED nga wala mibusikad human nga gilabay sa atop sa CR sa maong gasolinahan.
Aduna usay mga sibilyan nga lakip sa nasamdan.
Sa karon, gipahugtan na ang seguridad sa tibuok rehiyon tungod sa natigayong pagbusikad.
