Upat ka Palestino ang gikatahong namatay sa nagkadaiyang pag-atake sa Israel sa Gaza, lakip ang usa ka 11-anyos nga batang lalaki.
Ang bata nga giila nga si Ismail al-Bardawil, gipusil sa dughan samtang anaa sa al-Mawasi area sa habagatang Gaza.
Matud sa mga opisyal sa Nasser Hospital, gidala pa ang bata sa maong pasilidad apan namatay human sa grabeng samad.
Tulo pa ka Palestino ang gikatahong namatay sa laing insidente sa amihanang ug sentrong bahin sa Gaza.
Lakip niini ang usa ka lalaki nga namatay human gipusil sa ulo, usa ka 31-anyos nga inahan nga gipusil samtang nagpauli human ihatod ang iyang mga anak sa eskwelahan, ug laing lalaki nga nasamdan sa drone strike.
Matud sa Palestinian Ministry of Health, kapin 1,394 ka mga tawo ang namatay ug 4,839 ang nasamdan sukad gipatuman ang ceasefire agreement niadtong Oktubre 2025.
