GENERAL SANTOS CITY -Upat ang dakpan sa one time bigtime operation nga gipahigayon sa kapulisan sa syudad batuk sa mga tawo nga gipangita sa balaud.
Kabahin kini sa Oplan Manhunt Charlie sa kapulisan aron gukdon ang mga most wanted criminal .
Unang gidakop sa kapulisan ang akusado nga may kasong frustrated murder nga nasang-at sa Regional Trial Court (RTC) Branch 59.
Giila ang target nga si Mario Belda Buldado, 20 anyos residente sa Block 6, Zone 10 Barangay Fatima ning syudad.
May girekomenda nga piyansa ang nahisgutan nga nga P200,000.
Ikaduha nga gidakop ang nagpangalang Eduard Mark Maupak Quezon, 20 anyos nga residente sa Purok Matinabangon, Labangal ning syudad nga may kasong pagsupak sa RA 9287.
Ikatulo mao si Elesio Paenis 30 anyos nga residente sa Lagao ning syudad nga nag-atubang ug kaso sa pagpanagdagmal ug babaye may girekomenda nga piyansa nga P72,000.
Samtang ang ika upat ang nagpangalan ug Alvin Parba, 20 anyos nga taga Fatima ning syudad.
Ang upat ka mga indibdwal ang kustudiya sa lain laing presento samtang giandam ang commitment order sa Lanton City Jail.
