GENERAL SANTOS CITY – Gilayon nga gigamit sa upat ka municipal hospital ang bag-ong nadawat nga ambulansya gikan sa Philippine Charity Sweepstakes Office.
Kini human gidawat nilang Malungon Mayor Atty Maria Teresa Constantino, Mayor Raul Martinez sa Kiamba, James Yap Sr sa Glan ug Tito Balason sa Maitum.
Una nang gibutyag ni PCSO General Manager Retired General Alexander Balutan nga nagkantidad ug P870 mil kapin ang matag usa ka unit sa ambulansya nga adunay nakamontar nga medical equipment.
Gibutyag pa niini nga ilang gitubag ang panginahanglanon sa 20 ka probinsya nga labing kabus sa tibuok nasud nga naapil sa talaan sa national Anti Poverty Commission ug usa niana ang Sarangani hinungdan nga upat ka ambulansya ang gihatag.
Gipangunahan usab nilang Governor Steve Chiongbian Solon ug Provincial Health Officer Dr. Arvin Alejandro ang pag welcome sa taga PCSO sa paghatag sa nahisgutang mga ambulansya.
