GENERAL SANTOS CITY – Dako ang epekto sa unom ka tuna cannery ning dakbayan human nga gipatuman ang 40% reduction processing.
Human nga gipailalom sugod kagahapon ang pagpatuman sa upat ka adlaw nga lockdown sa Fishport Gensan.
Sumala pa kang Rosanna Contreras, Executive Director sa SOCSKSARGEN Federation of Fishing & Allied Industries, Inc kon SFFAII nga subo paminawon kung asa kagahapon unta pagasugdan ang 22nd National Tuna Congress kung asa atol usab sa pagpatuman sa upat ka adlaw nga lockdown sa tulo ka market sa Fishport complex.
Dugang pa ni Contreras nga kini ang una nga higayon kung asa kapin sa sa 4,000 ka mga indibidwal matag adlaw ang nawad-an ug trabaho.
Anaa usab sumala pa sa P400M ang nawala samtang anaa sa 500 hangtud 800 metric tons nga isda ang ginadunggo matag adlaw.
Pagbutyag pa sa nasampit nga opisyal nga kagahapon unta nagsugod ang Congress sa karon nga tuig kung unsaon nga mabuhi ang fishing industry nga karon adunay pandemic.
Epekto matud pa sa closure ang pagsaka sa presyo sa isda bisan pa man anaa sa lean season ang bulan sa setyembre kung asa nasayran nga daghan ang suplay sa isda.
Naglaom ang opisyal nga sa subli nga pag-abre sa fishport complex dayun matud pa nga makarekober.
